BLOGGER TEMPLATES AND TWITTER BACKGROUNDS »

الاثنين، 14 سبتمبر 2009

اول رمضان




اول رمضان وهو معايا ومش معايا اتصل بيا اليوم اللي قبلة وقعد يكلمني ويقولي كل سنة وانتي حببتي كان نفسي اكون معاكي وتقعدي تحضريلي الاكل واقوللك حنفطر اية انهردة

او نعزم الناس في بيتنا ونبقي ملخومين وانا انادي عليكي اقوللك حببتي اقطعللك السلطة

رحت ضحكت مع اني حابسة دموعي

حسيتة هو كمان حابسهم زي

قلتلة انا كلمت ماما عشان اقولها كل سنة وهي طيبة لقيتة قالي انا حكلمها بعد مااخلص المكالمة قلتلة اوكي يا حبيبي

قالي انا بعتللك فلوس وصلتك قلتلة اة مكنش لية لازمة والله انا معايا اللي انت سايبهم مخلصوش قالي دية فلوس بتاعه الفانوس فضحكت تاني

وقعدت اسئلة صحتك وشغل بس حسيت بصوتة متغير اوي قلقني عليه

لقيتة بيقولي مش حتيجي بقا انتي وحشتيني

مقدرتش اخبي الدموع اللي حبساها

ولقتني بصحي من نومي وطلع حلم قلبي وجعني اوي اوي وقعدت ادور علي موبايل عشان اتصل بية

بس الوقت كان متاخر وقلت اكيد حيقلق فضلت صاحية جبت البوم الصور وقعدت اتفرج

وشغلت شريط فرحنا

انا حاسة ان قلبي متاخد مني الوقت اللي فات دة كانة مفتش كل يوم بيجي بحسة طويلللللللللللللللللل مبيخلصش

كل يوم بليل بنتكلم علي النت بس مبرداش يطول عشان شغل الصبح بدري وميتعبش وانا بقولة يالا قوم ببئا عيزاة يقولي لا مش حقوم عيزاة يفضل علي طول

وحشني صوتة وحشني هو

اول رمضان حيكون معايا ومش معايا

.

.

.

.

.

كل سنة وانتم طيبين

ووحشتوني

10 التعليقات:

اسكندراني اوي يقول...

اللي اكتوى بنار الغربه يعرف تماما تماما اللي كتبتيه
والل انا ذقته في البوست ده حصل كتييييييييييير كتير
واسألي حوا وهي تقولك
كل اللي اقدر اقوهولك كان الله في عونكما
وجمعكما مع بعض على الخير وفي مكان واحد يارب

كل سنه وانتي طيبه

حمدى جعوان يقول...

انتى شكلك بتبقى متابعانى لما بكلم حبيبة قلبى ولا ايه ؟؟
والله ببقى برضه بقولها يلا قومى ونفسى تفضل تكلمنى ومتسبنيش ابدا


ربنا يجمعكم على خير يارب

كل سنه وانتى طيبه

youssuf يقول...

متألم ليكي جدا ...
ربنا يصبرك ...
قولي كثير قر الله و ماشاء فعل
خالي ايمانك برنبا يغنيكي عن اي حزن و استودعيه الله الذي لا تضيع ودائعه ...

ربنا حيلم شملكم تاني ...
و تفضلوا مع بعض علي طول و تجيبوا ولد تسموه يوسف كمان

ربنا يعينك و يهديكي و يصبرك يارب

كل احترامي و تقديري
تحياتي

maha يقول...

سلا عليكي يا عروسه
حسيت اللي قلتيه و عارفاه لاني جربته .. يا رب تنتهي غربتكوا عن بعض و تكونوا سوا من جديد .. يا رب تتجمعوا تاني قريب علي خير
كل سنة و انتوا طيبين
سلام
مها

سمكه واحده يقول...

ههههههههههههه
خلاص بقي منا عرفت انه في الغربه
وش مطلع لسانه)
اسلوبك فظيع بجد يا عروسه
ربنا يوفقك يارب ويسعدك
تحفه بجد
واقول زي بقيت الناس ما بتقول
ربنا يجمعكوا علي خير
ولا ايه؟
كل سنه وانتي طيبه

Beram ElMasry يقول...

عزيزتي حررروووف
يكفيني تشريفك مدونتي وهذا يغني عن أي تعليق ولا تحرميني مداومة الزيارة مع خالص تحياتي والسلام ولا سلام مع قتلة الأنبياء والأطفال بني إسرائيل .

محمود رياش يقول...

بجد حساسة ومشاعرك رقيقة جدا..
واسلوبك فى الكتابة السهل الممتنع
سعدت جدا بمعرفتك

دعوة لتشريفى
http://mahmoudryash.blogspot.com/

مدونة غمض عينيك .. عن النجاح فى الحياة وتطوير الشخصية...

الحــ ــزين يقول...

الحــ ــزين
تقبلى مرورى
انا بس جيت اتشرف بمعرفة حضرتك

Unknown يقول...

عارفة كلنا هذا الرجل ههههههه
لا هذة الحكاية

كل سنة وانتى طيبة ولو انها بعد العيد كمان
تحياتى

Unknown يقول...


thx

كشف تسربات المياة
غسيل خزانات
شركة نظافة عامة