في اول يوم جواز
الخجل مسيطر عليا
قلق وخوف ماليني
سمعت كتير بس مش عارفه فجاة بقيت في دنيا جديدة
مع راجل كنت بحبة بس دلوقتي بئا جوزي
صحيت من النوم بفتح عنيا بصيت لسقف بصيت جمبي لقيتة
ابتسمت حطيت المخدة فوق راسي
اتمطعت وفرحة واحساس جديد حسيتة
قمت سرحت شعري ولبست هدوم وحطيت برفان وقعدت افكر وافتكر وكانة شريط سينما الفرح ذكريات الخطوبة وامبارح
وجوزي وبصيت في ايدي لقيت دبلة انا مش بحلم قمت حضرت الفطار اخدت وردة ومشيتها علي وشة وبوستة في خدة وقلتة صباح الخير يا حبيبيقوم عشان تفطر
بصلي وابتسم قام وقبل مايفطر صلينا وكنت طايرة بدات اصدق اني في بيتي
الباب خبط فتحت اهلي واهلة جم وكل الفرحة اللي فيا اتغيرت
جت بنت خالتة وكانت بتحبة ونفسها تتجوزة بدات تبصلة وتبصلي وعنيها كلها حسد
بدات اضايق قعدت ولاني اول يوم جواز اتلخبطت اخته قالتلي مش حتضيفينا
فتكسفت وقمت حضرت حاجات للضيافه سالوني فين العريس قلتلهم بيلبس وجي
شفت ضحكات وابتسامات وغمزات فضايقت ووشي احمر
قعدوا معانا لغاية المغرب بقيت متلخبطة اكتر دخلت اطبخ
كنت بطبخ في بيتنا بس دلوقتي بطبخ في بيتي خايفة الاكل ميعجبهمش
كنت مرتبكة جدا
جم ينزلوا سلمت عليهم وسلمت علي بنت خلتة برغم اني كنت سمعه ضحكاتها عالية وانا في المطبخ
من حقي اغير لانة جوزي وحبيبي وانا واثقة فيه
بس بعد يومين اتصلت تاني وكانها بقت تحبني فجاة وقعدت تديني نصايح
وقعدت تقولي انا مش عايزة ازعللك اصل الاكل معجبهمش وكمان انتي عايزة تخدي باللك من البيت شوية
طب هو انا لحقت دة كان اول يوم
جينا نخرج وكانت اول زيارة لاهله طبعا
رحت سلمت علي حماتي وبقولها ياماما بوستها وافتكرت كلام ماما ليا اني اكون حذرة معها واكسبها
الست كانت كويسة بس اختة علقت علي هدومي وقالتلي هو مقلكيش حاجه علي الهدوم قلتلها لا
قالتلي ازاي
جينا بناكل فبياكلني لقتها قالت دة انت مدلعها خالص هو كدة بس في الاول وبعدين وبدات تضحك
اضايقت تاني وسكت
بدات افكر انا اللي قوية ومفترية انا اللي خلاة يحبني قوة شخصيتي فيا
اسكت
واصبر
ولا اتكلم واعمل ثورة حرية
سكت من حبة ليا
عذرت لان مينفعش يتكلم وقتها
حيقولوا اتغير
حيقولوا مش صغير
وهي غيرته
سكت وصبرت وكان حل مؤقت
روحت بيتنا وبفكر ياتري حنتغير بعد كام شهر وحيبئا لقبي زوجة عادية
وكل حبة ليا حيبئا ذكري وينسي
وحبي ليه حيفضل في قلبي وساكتة
وحتوة بين المطبخ واكل وعيال وبيت
وحطخن ويكرة شكلي وميبئاش نظرة ليا
انا مش بحلم بكدة انا حلمي غير كدة بحلم يرزقني ربي ب 4 عيال ولدين وينتين
واملي البيت شقاوة عيال
عيال ذكية عيال شقية حبهم في قلب ابوهم وغلاوتهم فيا
يطلعوا شاطرين يطلعوا حلوين
ويقولوا ربوا
وناس حاسدين
نفسي ابئا صحبتهم
واخواتهم الولاد صحابهم يحكولي عن حبايبهم واروح اخطبهم
واقف في وسط الفرح ام صغيرة ناس باصة وتقول يادي الهنا
الام جميلة وعيالها قمر
وجوزي حبيبي كل يوم اروحلة في بريك الشغل نتغدي
واروح اتصل بية وهو في الشغل اقولة وحشتني
يمكن رومانسية بس بحلم بانها تكون واقعية
دة مش مستحيل
مش بحلم بتغيير
بحلم بتفاهم طويل
بحلم بنظرة نتفاهم
بحلم ببكرة
يكون احلي
ياتري ينفع؟؟؟؟؟؟؟؟ياتري اية المستحيل في ان يكون بيتي كدة وحياتي كدة ياتري لما تواجهنا مشكله نتصرف ازاي واية هي المشكلة اللي نقف ودامها عاجزين وتدمر قلبنا؟؟؟؟؟؟؟؟؟؟؟؟؟؟
33 التعليقات:
اول تعليق ليا
الفكرة عالية فية وخصوصا الرومانسية اللى مطعمة بى الخوف فعلا ديما عندنا احساس الخوف من اللى هيحصل بكرة طب لية منعرفش نعيش اللحظة اللى احنا فيها لية مننساش بكرة ونعيش دلوقتى ولية ديما الام او الاخت او ... او ... مش بيبوا يكونوا فى نفس وضع الزوجة ليه بقة يمارسوا عليه ازدواجية المعايير دى لية بجد لو كل واحد حب وفهم ان راحن ابنة او اخوة فى الانسانة دى ومعها ليه يحالو ينحق دا وكانه بيحافظ عليهم هو دا السؤال لية احنا بنخلف نفسنا فى اشياء ومنحبش فى نفس الوقت نكون احنا فيها او بنعانى منها
الموضوع لذيذ قوي
بس شوري انا لازم اهزر .... اي مدونة بدخلها بقعد اتريق
هههههههههه
ايه اول يوم ده ...... هههههههه
و مالها بنت خالته اكيد احلي منك
هههههههههههههههه
تاني بقلك اكلك مش حلو و الراجل كده هيبص برة من اول يوم
و اهتمي بلبسك .... من اول يوم وحش امال في الاربعين هتعملوا ايه
ههههههههههههه
-----------------
طريقة حكيك للموضوع لذيذة .... و اسلوب مسخرة في الكلام عن بنت خالته و اخته .... و ربنا يسعدكم ياستي
و لو بنت خالته حلوة ايعتيلي اميلها
ههههههههههههههه
ربنا يرزقك اللى نفسك فيه
وبخصوص المشكلات أكيد كل زواج فيه مشكلات بس الأهم انكم تتخطوه بحب ويكون بينكم تفاهم
اما بخصوص بنت خالته او اخته
فرى على الإهانه بطريقه لطيفه بعد شويه هيزهقوا..وهيقولوا خلاص مش عارفين نايقها
اهم شئ خلى بالك من بيتك وجوزك
ومتديش ودانك لحد يقومك على جوزك مش يهدى بينكم
وربنا يديك اللى نفسك فيه
ألف مبروك
معلش شوية عسل على طحينة ما بتحبيش الطحينة عاوزة عسل بس
لا في الجنة ونعيمها
وانا بحلم بكده
كلنا بنحلم بكده
اه وربنا العظيم
اهم حاجه تكسبي حماتك
والاحسن انك تتجوزي واحد يتيم الام
تجنبا للمشاكل
والا اييييييييييييييييه
سلميلي عالتوكتوك
ربنا يفرح قلبك
حاولي تعدي المواقف الصغيره وماتحطيهاش في بالك
لان صغيره علي صغيره تكبر
لا انسي
واولا الف الف مبروووووووووك يا جميل
اولا علي الزواج وربنا يسعدك يارب
ثانيا علي المدونه
وتمليها بوستات كلها فرح وحكاوي حلوه ان شاء الله
مبروك يا عروستنا
وليا تعليق اخر ان شاء الله
السلام عليكم ورحمة الله
الف مبروك ليكي
ربنا يسعدك يارب ويحققلك كل اللي بتتمنيه
بس بجد اسلوبك بهرني خالص جميل فعلا
ان شاء الله متكونش زيارتي الأخيرة
دمت كما تحبين
تحيـ بسومةــاتي(:
اه حبيت اقولك ياريت لو سمحت تغمي لون الخط عشان مش واضح في التعليقات
معلش طلب سخيف
اولا مبروك الف مبروك
نحن السابقون وانتم اللاحقون
بصى دى حاجات صغيرة واكيد بنت خالتة دى بتغيظك
اوعى تفتحيلها باب واعميلها حدود فى العلاقة واوعى تخليها تفتكر انها بقت صحبتك وردى على قد السؤال معاها
ونصيحة منى اوعى يبقالك اى رد فعل بالكلام مع اهل جوزك السكوت افضل طريقة
عشان خاطر جوزك اللى انتى بتحبية
وانتى فى اول زواجك لازم تكونى واعية لحاجة مهمة اوى
ان اهلة بقالهم سنين معاه
فليهم الف حاجة وحاجة يخليهم غاليين علية
كونى اذكى منهم وحوشى تصرفات عاقلة فى حصالة حبكم
عشان الحب دة يزيد ويكبر
وربنا معاكى ومعايا ومع اللى زينا
انا عيزاكى تيجى تزورينى انا كتبه حاجات عن اول تصادم بينى وبين حماتى وقوليلفى رايك
ربنا يسعد ايامك ويبعد عنك الشر ويهديلك الحال دواما
قولى امين
معلش ممكن تعلمى التعليق فى صفحة تانية احسن وكمان يا ريت بلاش تدقيق الكلمات لسهولة التعليق
تحياتى:)
استنى انتى حروف
طب قولى من الاول عشان ازغرت دانتى معرفة قديمة بقى
لولولى لولولى لولولى
انا عرفت بعد ما علقت ربنا معاكى يا بنتى
بس لاتيأسى
ههههههههه
سلام بقى
العروسه الجميله .. تحياتى اليك
بداية الحياه الحقيقيه فى الزواج
ففيها تتعرفين على زوجك حتى لو كان هناك سابق معرفه وحتى لو كان حبيبك
وبداية مشوار الاولاد
وبداية مشوار العناء
وبداية مشوار الشقاء
ولكنه عناء جميل
وشقاء محبوب
وحياة مشتركه مع زوج وولد وبنت
وبارك الله لكل زوجين ولابنائهما ولبناتهما
تحياتى يا عروسه يا جميله
رلنا يرزق كل بنت بالانسان اللى بيسعدها ويملا عليها حياتها
حروفى الجميلة
بصى .. فعلا انتى قلتى الخلاصة
اهم شئ يكون الانسان دا يفهمك
و تتفقوا على كل حاجة
كل حاجة بالنقاش
بالحوار
توصلوا لنقطة وسط
ساعتها كل حاجة فعلا تبئا جميلة
خالص ودى يا عروسة يا جميلة
متاخديش ببالك من بنت خالته او اخته دول غيرانين منك
واحلمي ومتخفيش من حاجة بايدك تحققي كل احلامك لو اعطيتي كل اهتمامك لبيتك وحياتك و متخليش الخوف من المستقبل يسيطر عليكي
انا متجوزة من ست سنين والحمد لله الحياة بمبي وهو جنمبي
والحب لسه باقي و بيزيد بس انت وشطارتك بقى
ربنا يوفقكم ويسعدكم يارب
والله يا ستي ربنا يسعدك ويهنيكم سوا
ولنت خالته دي ربنا يعينك عليها بجد مش عارف أقول ايه وزي ما قلتي أهم حاجة تكونوا متفاهمين سوا وربنا يسترها معاكم ويحلي حياتكم كمان وكمان وطنشي أي حد يقول المهم تكونوا مبسوطسن
..ااااااااه أنا الي غيرت هههههههههههههههههه جوزوني يا ناس باه مش كده
هههههههههههههههههههههههههههه
بهزر طبعا مش حسد ده نق بس هههههههههههههههههههههههههههههههههههههه
قل اعوذ برب الفلق مني ربنا يسعدكم
مودتي
الف مبرووووك انتى لسه قدامك سنه بحالها عروسه تفرحى وتبسطى وسيبك من كل الحاجات دى
على فكرة انا كمان جديده بس سبقاكى بكم شهر وحاسه بيكى جدا
المهم نتكلم حاجه حاجه
اولا مووضع اخته وبنت خالته سيبك منهم واوعى تحسسيهم ولو فعينيكى انك كلامهم بيدايقك ومش واثقه من نفسك دول متغاظين وشغل بنات ارشانات زى عواجيز الفرح صدقينى فى ناس بتحب تعمل كده لما يبقوا غيرانين
ثانيا الحاجات الى مش عاجباكى حاولى تغيريها واحده بواحده مش صح فعلا انك تاكلى لوحدك حاولى تظبطى الموضوع ده من اولها لحسن يتعود وهمه يتعودوا وهيصعب تغيير ده بعدين فى بيت وزوجه مستنياه يا اما تروحى معاه مره مرتين فى الاسبوع
موضوع الاكل ده عادى جدا دورى على اكلات جديده وجربيها وصفات من التفزيون والنت لازم تربطيه بالبيت ومشاركتكوا لبعض فى اهتمامات وحاجت مشتركه
قوليله تعالا ننزل شويه او حتى نتمشى خلى دايما بينكوا هو يرضيكى بحاجات وانتى ترضيه بحاجات مش من طرف واحد طول الوقت
حلمك جميل وان شاء الله هيتحقق
انتى لسه فى البدايه وبتنبنوا سوا كل يوم طوبه لبيتكوا ولازم يكون اساس متين من التفاهم والموده والرحمه والاحترام لرغبات الاخر مش بس الحب لان الحب بعد الجواز تطبيق غير ايام الخطوبه بيكون اغلبه كلام
اخيرا
ملحوظه صغنونه ياريت تقبليها منى والله بقولهابحب لانى ناويه اجى مدونتك كل يوم غمقى لون الكتابه شويه لانها صعبه روز فااااتح والخلفيه بيضا متعبه للعين اوى
وياريت تنورينى بالزيارة وتكتبى تانى تانى عن تجاربك
معلش طولت
العروسه
بجد ياريت كل عروسه تفكر زيك كده انها تعيش حياتها وتعدى اللى بيحصلها من مضايقات على فكره اهم حاجه الزوج يكون متفاهم معاكى
هتحسى انتى مرتاحه بالرغم ان فيه مضايقات كتير ه
ماشاء الله عليكي والله يديم عليكم السعاده
ولا يهمك من بنت خالتة هى بس تحاول تغيظك .. وفى نفس الوقت اوعي تتكلمي عنها قدام جوزك
اما اختة انتبهي منها شكلها سوسه :)
أنا لسه مستني رد
http://ahmedaboelella.blogspot.com/2009/03/blog-post.html#comments
don't worry this is our life
ايه ده انا جيت هنا وكتبت كومنت قبل كده ولا ايه ؟؟ ايه اللي حصله عاااااا
انا دخلت ع البلوج كتير كذا مرة منهم مرة بالموبايل معقول مكونش كتبت كومنت ايييييييه يلا خير
اولا الف مبروك
وبعدين يابنتى انتى لسه بتبتدى الحكاية
مش الجواز هو النهاية ومش تخلى حاجة تغيرك
عيشى حياتك وحبى جوزك اكتر
ومش تخلى اى كلام او تعليق يغيرك
خلى كل شئ يزيك تمسك وحب ليه
وهو اكيد هيحي اكتر واكتر
ربنا يسعدك
أه على فكرة ممكن تسمى بنوته منهم وردشان
هههههههههههههههههه
smilyrose
روح الحب الصادق
بجد احساس جميل ان الواحد يتجوز بيحس بالاستقرار ونوع من المسئولية الجميل وينجب اربعة اطفال ولدين وبنتين.
بس المشاكل اللى بتعكر صفو الزوجية هيه دى اللى بتخرب البيوت سريعا خاصة اذا كان الزوج والزوجة ما بيحتوش المشاكل دى ويكونو اكبر منها عشان يعدو اى محنة ممكن تمر بيهم.
وعايزك متنتبهيش لكلام حماتك ولا اخوات جوزك ولا الكلام ده ولا حتى بنت خالته مادام انتو الاتنين بتحبو بعض هتقدرو تعدو المطبات دى بسهولة.
اشكرك على البوست الرائع. واشكر حروف اللى عرفتنى المدونى دى.
مزيد من الاستقرار مزيد من النجاح...
اولا الف الف مبروك
وربنا يسعدكم ويديم بينكم الحب يارب
وتذكري اجمل شيء في الدنيا انك اللي بتحبيه ويربط بينكم الزواج وتكونوا كل شيء لبعض في الدنيا وليكم حياة مشتركة فمتفسديش ده بتفكير في فتور الحب وتخنك وتغييره منك
عيشي الحب بكل ما فيه واكيد تمسسككم ببعض هايزيد واستمتعي بوقتك لان ده من اجمل الاوقات في حياتك وربنا يرزقك بالذرية الصالحة زي ما اتمنيتي
اما بالنسبة لحماتك واهله
فلازم تحطي في بالك ان حبه ليهم مايقللش من حبه ليكي وماتحطيش نفسك في كفة وهما في كفة لانكم بقيتو همزة وصل لعيلتين وبتكونوا كلكم نسيج لعيلة متوحدة كبيرة واكيد حتى بين اهلك بيكون فيه صغائر ممكن نترفع عنها حسي انهم اهلك وعامليهم على الاساس ده اكيد حايتك هاتبقى سلسة اما بالنسبة لبنت خالته فالظاهر ان كل زوج ليه بنت خالة او عم من نفس العينة واحذري منها بس ماتخليهاش يكون ليها اي دور في حياتك ابدا لا بالسلب ولا بالايجاب وتقبلي تحياتي وعذري على الاطالة في اول زيارة ومش الاخيرة
السلام عليكم
مدونتك حلوة جدا
وموضعك ظريف جدا
أنا طبعا مش هقدر أقدم اى اقتراحات ولا اى حاجة خالص
لانى معرفش
بس انا ختابعك مدونتك ام شاء الله
تحياتى ليكى
أول حاجه مبروك على الجواز
ثانياً مبروك على النيو لوك للمدونه
ثالثاً مستنين رأيك بعد سنه :)
يارب يكون لسه زي ما هو دلوقتي
رابعاً دي كلها حاجات بسيطه (بهارات يعني :)
ثندر/سيرجو
اول تعليق ازغرط ههههههههههه
متشكرة علي مرورك وربنا يديم المعروف والاخوة
ورئيك بجد يهمني
....................
عادل العمدة
نورتني ياريس من عنيا الاميل ههههههههههه
متشكرة علي رئيك والحمد لله انه عجبك
.............
طنط الفقيرة الي الله ام البنات
نورتيني بزيارتك عندي
ومتشكرة علي نصيحة اكيد ححطها في وداني واديني بتعلم
...................
زوجة عنيدة
بزورك دايما وبقرا
والواحد لازم يتعلم من غيرة
متشكرة ياحببتي علي النصيحة
..................
مصري جدا
الله يبارك فيك
اهو كلة حلو عسل بس او حتي عسل وطحينة
هههههههههههههه
نورتني
........................
د/خالد امين
نورتني
اة كلنا بنحلم بس عايزة حلمي واقع مش يفضل حلم
مممممممممممممم حفكر في الاقتراح دة ان شاء الله بتاع ممتة ههههههههههه
.......................
عاشقه وغلبانة
حاضر ياقمر حعديها عشان خاطرك انتي بس
نورتيني
...............
سمكة واحدة
نورتيني
الله يبارك فيكي
ومستنياكي ياقمر
بسمة صلاح
نورتيني بزيارك ويارب متكنش الاخيرة واديني غمقت اللون وشلت تدقيق كمان انتي تامري
...............
عمو فشكول
نورتني بزيارتك وشكرا لكلامك الجميل جدا
يارب تزورني دايما
..........
ايوشة
نورتيني ياقمر وربنا يكرمنا ويكرمك يارب
............
نورتيني يا سووول
وشكرا لكلامك الجميل
ياجميل...........
شموع بيضاء
الله يبارك فيكي
متشكرة علي كلامك جدا جدا جدا جدا
نورتيني بزيارتك بجد ححاول انفذ كلامك
طبعا مفيش اطاله يا حببتي البيت بيتك
...............
رومانسي
منورني ومتشكرة علي زيارتك
...........
نوارة
نورتيني بجد ويارب يفضل الحب دائم ونقدر نحقق احلامنا متشكرة لزيارتك
..............
يسم الله الرحمن الرحيم السلام عليكم ورحمة الله وبر كاته .انا فى غابة السعادة لتعرفى اليكم جزاكم الله عنا وعمن انتفع بعلمكم خيرالجزاء واتوجه بالشكر لمن كان سببا فى .التعرف عليكم وهو اخى وجبيبى اشرف طعيمه متمنيا لكم دوام الصحة والتقدم ابو عبد .الله
شركة مكافحة النمل الابيض بالرياض
شركة مكافحة الفئران بالرياض
شركة مكافحة الصراصير بالرياض
شركة رش دفان بالرياض
شركة تنظيف فلل بالرياض
شركة تنظيف موكيت بالرياض
شركة تنظيف كنب بالرياض
شركة تنظيف واجهات بالرياض
إرسال تعليق